Address to the Woodlark Lyrics
Behold, My Love Lyrics
I'll Ay Ca' in by Yon Town Lyrics
Will Ye Go to the Indies, My Mary Lyrics
Duncan Davison Lyrics
The Ploughman Lyrics
Thou Hast Left Me Ever, Jamie Lyrics
Wha Is That at My Bower Door? Lyrics
The Reel O' Stumpie Lyrics
Here's His Health in Water Lyrics
Jean Redpath - Tam GlenLyrics
Highlight a quote that may not be obvious and you would like to explain it or ask for an explanation.Click the highlighted quote to explain it or the highlighted to see other explanations.
My heart is a-breaking, dear Tittie,
Some counsel unto me come len',
To anger them a' is a pity,
But what will I do wi' Tam Glen?
I'm thinking, wi' sic a braw fellow,
In poortith I might mak a fen;
What care I in riches to wallow,
If I maunna marry Tam Glen!
There's Lowrie the Laird o' Dumeller-
"Gude day to you, brute!" he comes ben:
He brags and he blaws o' his siller,
But when will he dance like Tam Glen!
My minnie does constantly deave me,
And bids me beware o' young men;
They flatter, she says, to deceive me,
But wha can think sae o' Tam Glen!
My daddie says, gin I'll forsake him,
He'd gie me gude hunder marks ten;
But, if it's ordain'd I maun take him,
O wha will I get but Tam Glen!
Yestreen at the Valentine's dealing,
My heart to my mou' gied a sten';
For thrice I drew ane without failing,
And thrice it was written "Tam Glen"!
The last Halloween I was waukin
My droukit sark-sleeve, as ye ken,
His likeness came up the house staukin,
And the very grey breeks o' Tam Glen!
Come, counsel, dear Tittie, don't tarry;
I'll gie ye my bonie black hen,
Gif ye will advise me to marry
The lad I lo'e dearly, Tam Glen.
You May Also Like
No Comments. Be the first!